"Müstəqillik bir dövlətin ən böyük sərvətidir. Nə yaxşı ki, biz də bu mənəvi sərvətə sahibik.”  - 7NEWS.AZ xəbər verir ki, bu fikirləri Demokratik Maarifçilik Partiyasının sədri, Milli Məclisin deputatı Elşən Musayev söyləyib.

"Cənab Prezident İlham Əliyevin söylədiyi gözəl bir söz var: "Müstəqillik qazanmaqdan da daha çətin olan həmin müstəqilliyi qorumaqdır.” Bəli, bu ifadədə çox böyük hikmət var. Həqiqətən də ən əsas məsələ müstəqilliyi qorumaq, eyni zamanda onu möhkəmləndirməkdir. Və çox şükürlər olsun ki, bu gün möhtərəm Prezidentimizin apardığı uğurlu siyasət nəticəsində Azərbaycanın qüdrəti günü-gündən artır. Çox şükürlər olsun ki, artıq işğal altındakı torpaqlarımız düşmən tapdağından azad edilib. Çox şükürlər olsun ki, dövlətimiz artıq regionun ən güclülərindəndir.

Azərbaycan daim var olsun. Müstəqilliyimiz əbədi olsun.” – deyə Partiya sədri fikirlərinə davam edib.