Azərbaycanda həyata keçirilən dövlət siyasətinin prioritet istiqamətlərindən biri gənclər siyasətidir. Ulu Öndər Heydər Əliyev tərəfindən fevralın 2-si Azərbaycan Gənclər Günü elan edilməsi də Azərbaycan gəncliyinə verilən dəyərin göstəricisidir. Həmin vaxtdan 27 il keçir. Bu gün biz görürük ki, Ulu öndərin ideyaları, onun gənclər qarşısında qoyduğu vəzifələr bu gün tam olaraq yerinə yetirilir. Gənclərimiz bütün sahələrdə, istər elm, istər idman, istər hərbi və digər sahələrdə həmişə Azərbaycanın bayrağını zirvələrə daşımağı bacarırlar. Əlbəttə onlar üçün bu şəraitin yaradılması da həmin gənclərin üzə çıxmasında mühüm rol oynayır". 

Tədbirdə çıxış edən Azərbaycan Mərkəzinin rəhbəri İlkin Orucov da öz növbəsində Azərbaycan və Qazaxıstan münasibətləri haqda danışıb. O bildirib ki, Azərbaycan gəncləri Qazaxıstanda aktiv şəkildə proseslərdə iştirak edir, hər iki ölkənin həqiqətlərinin dünyaya çatdırılmasına yardımçı olur. 

 

Gəncliyin Sosial-İqtisadi İnkişafına Yardım İctimai Birliyinin sədri Əfsələddin Ağalarov bildirib ki, hər iki ölkənin Prezidentlərinin çox yaxşı münasibətləri var. Gənclər də bu münasibətləri davam etdirməlidir, bu cür forumlar bu dostluğu daha da möhkəmləndirir. 

Gənclər Fondunun əməkdaşı Faiq Məmmədov çıxışında fondun fəaliyyəti və beynəlxalq layihələr verdiyi dəstək haqda danışıb.